Në mbështetje të nenit 10,16,58 68 paragrafi 68.3 të Ligjit për Vetëqeverisjen Lokale nr.03/L-040, Gazeta Zyrtare e Republikës së Kosovës, nr.28, nenit 12 dhe 22 të Rregullores së MF, nr.04 / 2017 mbi Kriteret, Standardet dhe Procedurat e Financimit Publik të OJQ-ve, Drejtoria për Kulturë, Rini dhe Sport në bashkëpunim me zyrën e kryetarit të Komunës së Malishevës, bëjnë këtë: 

THIRRJE PUBLIKE PËR APLIKIM 

Ftohen organizatat joqeveritare të komunës së Malishevës që janë aktive dhe zhvillojnë aktivitetet e tyre në komunën e Malishevës në sferën e kulturës, rinisë dhe sportit, se mund të aplikojnë me projektet e tyre për përkrahje financiare nga komuna e Malishevës për vitin 2022. 

Shuma financiare për thirrjen publike është 70.000,00 €

Mbështetja financiare do të ofrohet varësisht nga vlerësimi i projektit nga Komisioni dhe mundësitë buxhetore të komunës së Malishevës. 

OJQ-të në përputhje me këtë thirrje publike, mund të aplikojnë me projektpropozimet për organizimin e aktiviteteve: 

Kulturore: 

• Mbështetja e aktiviteteve të përgjithshme kulturore;
• Organizimi i ngjarjeve me karakter bashkëpunimi për promovim të vlerave kulturore; Botime librash;
• Ekspozita artistike;
• Konkurse artistike (Arti pamor, letrar dhe muzikor);
• Shfaqje teatrale dhe programe kulturo-artistike;
• Promovimi trashëgimisë kulturore;
• Pjesëmarrje në festivale jashtë komunës;
• Panaire artizanale. 

Shuma minimale për mbështetje financiare për projektin apo programin kulturor është 500.00 €. Shuma maksimale për mbështetje financiare për projektin apo programin kulturor është 5000.00 €.

Rinore: 

• Fuqizimi i OJQ-ve Rinore në Malishevë (seminare, trajnime, punëtori, shkëmbim përvojash, etj.);
• Edukim joformal (kurse për gjuhë të huaja; kurse për teknologji informative; trajnime për hartimin, menaxhimin e projektit si dhe raportimin; trajnim për monitorimin e institucioneve publike, ligjërata nëpër shkolla për Ndihmën e Parë dhe të tjera me karakter rinor);
• Dita e Rinisë;
• Festivali rinor tradicional;
• Ekspozita me artistë të rinj në ujëvarat e Mirushës;
• Kamp Rinor Veror;
• Promovimi i rekreacionit në komunën e Malishevës;
• Promovimi dhe mbështetja e talentëve të rinj;
• Aktivitete rinore të përcjella me fushata vetedijesuese për trashëgiminë kulturore dhe natyrore;
• Promovimi i vullnetarizmit; 

Shuma minimale për mbështetje financiare për projektin apo programin rinor është 500.00 €. Shuma maksimale për mbështetje financiare për projektin apo programin rinor është 5000.00 €.

Sportive:

OJQ-të (Klubet Sportive) në përputhje me këtë thirrje publike, mund të aplikojnë me projektet në lëmin e sportit si dhe sipas shpenzimeve të pranuara, si në vijim: 

• Pagesa e referimit për ndeshjet zyrtare;
• Pagesa e transportit për ndeshje zyrtare;
• Pagesa e ushqimit për ndeshje zyrtare;
• Pagesa e regjistrimit dhe kuotizimit në federatën përkatësë;
• Pagesa për blerjen të rekujzitave sportive;
• Pagesa për ekipin mjekësore gjatë ndeshjeve zyrtare;
• Pagesa për asistimin e policisë gjatë ndeshjeve zyrtare. 

OJQ-të (Klubet sportive, Shoqatat Sportive) mundë të aplikojnë me një projekt që të kontribuojnë në avancimin, afirmimin dhe zbulimin e talentëve të rinj në sport, në komunën e Malishevës. 

Specifikacion: 

• Klubet e futbollit- anëtarë të Superligës (2,000.00 € - 10,000.00 €);
• Klubet e futbollit- anëtarë të Liges së Parë (1,000.00 € - 5,000.00 €);
• Klubet e futbollit- anëtarë të ligave të tjera (1,000.00 € - 3,000.00 € );
• Klubet e volejbollit- anëtarë të Superligës A dhe B (2,000.00 € - 5,000.00 €);
• Klubet e volejbollit- anëtarë të ligave të tjera (1,000.00 € - 3,000.00 €);
• Klubet e hendbollit- anëtarë të Superligës (2,000.00 € - 5,000.00 €);
• Klubet e hendbollit- anëtarë të Ligës së Parë (1,000.00 € - 3,000.00 € );
• Klubet e atletikës, notit (2,000.00 € - 6,000.00 € );
• Klubet e ping-pongut- anëtarë të Superligës (1.000.00 € - 3.000.00 € );
• Klubet e shahut, shenjëtarise, alpine, sportet luftarake dhe klubet tjera (500.00 € - 3,000.00 € );
• Shkollat e Futbollit (500.00 € - 1.000.00 €). 

Dokumentet e kërkuara për aplikim :

1. Projektpropozimi, përfshirë agjendën, aktivitetet, planifikimi dhe linja buxhetore në harmoni me qëllimin e projektit;
2. Formulari i aplikacionit;
3. Dokumenti identifikues;
4. Certifikata e regjistrimit e OJQ-së;
5. Dëshini se OJQ nuk ka obligime ndaj ATK -së (Vërtetim nga ATK );
6. Konfirinimin nga banka për xhirollogarinë e aplikuesit.
7. Raporti financiar i vitit paraprak 2021, nëse OJQ ka qenë përfituese e thirrjes publike paraprake të shpallur nga komuna e Malishevës. 

Mënyra e aplikimit: Dorëzimi i aplikacionit bëhet në zarf të mbyllur. Brenda zarfit vendosen 2 kopje të të gjithë dokumentacionit original. Dokumentacioni dorëzohet në zyrën e pranimit në objektin e komunës, në sportelin e Qendrës për shërbime për qytetarët. Formulari i aplikimit dhe formulari financiar mund të shkarkohet në webfaqen e komunës: https://kk.rks-gov.net/malishevel 

Aplikacionet e dërguara pas mbylljes së afatit si dhe aplikacionet e pakompletuara sipas kritereve të përcaktuara në këtë thirrje do të refuzohen. 

Thirrja publike për aplikim hapet, më: 21.04.2022 dhe mbyllet më 16.05.2022, në orën 16:00. Të gjitha çështjet që lidhen me thirrjen publike mund të sqarohen vetëm në mënyrë elektronike, duke dërguar e-mail në adresën: dkrs_malisheva@hotmail.com