Në bazë të nenit 67 dhe 68, të Ligjit për Zyrtarët Publikë Nr. 06/L-114 dhe kërkesës së Drejtorisë së Shëndetësisë të dt: 15.12.2020, Komuna e Prizrenit, shpall:

KONKURS PËR PLOTËSIMIN E VENDIT TË PUNËS 

Drejtoria për Shëndetësi-QKMF

• Titulli i pozitës së punës: Doktor i Mjekësisë
• Njësia: QKMF, QMF dhe AMF
• Lloji i vendit të punës: me afat të pacaktuar, me orar të plotë (periudha e provës 6 muaj)
• Koeficienti: 7.2
• Numri i ekzekutuesve; 19 (nëntëmbedhjet)

DETYRAT KRYESORE TË PUNËS: 

• Pranon pacientin nga infermieria, shënon të dhënat e duhura në kartelën shëndetësore;
• Merr anamnezën;
• Bën inspektimin, auskutimin dhe palpacionin e pacientit;
• Bënë reanimimin kardio pulmonar;
• Egzaminimin rectal;
• Referon pacientin për hulumtime të duhura;
• Cakton diagnozën, trajton pacientin me terapi adekuate;
• Bënë edukimin dhe promovimin shëndetësor, këshillon pacientin;
• Cakton orarin e vizitës së ardhshme;
• Organizon dhe mbikqyr imunizimin
• Cakton vizita
• Merr pjesë, në trajtimin e planit dhe programin e punës;
• Raporton lindjet, vdekjet, sëmundjet ngjitëse tek autoritetet pwrkatëse;
• I referon pacientët tek specialistët mjekësorë dhe shkëmben të dhënat relevante mjekësore;
• Përpilon raportet me shkrim lidhur me punën dhe veprimet e tij.

Përgjegjësitë kryesore:

• Organizon punën në vendin e tij të punës;
• Koordinon dhe mbikqyr infermierët me të cilët punon;
• Merr pjesë në mbledhjet profesionale në kuadër të QKMF-së;
• Përcjell dhe studion arritjet e reja të shkencës së mjekësisë;
• Kujdeset për rregullsinë e dokumentacionit mjekësor dhe kujdeset që raportet e punës të arrijnë me kohë në shërbimet përkatëse profesionale;
• Ndërmerr aktivitete për edukimin shëndetësor të popullësisë;
• Kryen detyrat sipas udhëzimeve të mbikqyrësit për mbarëvajtjen e punës ;
• Sipas nevojës kryen edhe detyra të veçanta brenda profesionit të tij.

Kushtet:

• Fakulteti i Mjekësisë-drejtimi : Mjekësi e përgjithshme
• Licenca e punës
• Përvojë pune: Minimumi të ketë të kryer stazhin e detyrueshëm profesional

Aftësitë e kërkuara:

• Aftësi për të komunikuar si verbalisht ashtu edhe me shkrim,
• Aftësi dhe shkathtësi profesionale,
• Aftësi në përdorimin e pajisjeve mjekësore,
• Njohje e mirë e punës me kompjuter (Microsoft Word, Excel, Power Point, Access, Internet).

Dokumentacioni i kërkuar:

• Fotokopja e Letërnjoftimit
• Çertifikata e lindjes
• Dy - rekomandime ( nëse keni )
• Diploma e Fakultetit (kopja e noterizuar)
• Vërtetim për përvojën e punës së bashku me pasqyrën nga TRUST/dëshmi mbi praktikën profesionale
• Certifikatën që nuk jeni nën hetime (Dëshmi penaliteti).

Konkursi do të jetë i hapur për 15 ditë kalendarike, e drejta për aplikim fillon nga data 08.02.2021 deri më datën 22.02.2021 që konsiderohet si dita e fundit dhe mbyllja e  konkursit. Aplikimet  e dorëzuara pas afatit të parashikuar nuk pranohen dhe aplikimet me mangësi refuzohen. Udhëzime për aplikimin: Kërkesa (Aplikimi) për punësim gjendet në https://kk.rks-gov.net/prizren/category/konkurset-njoftimet/aplikacione/ si dhe në https://konkursi.rks-gov.net/. Pas plotësimit sipas çdo pike të aplikimitt, bashkëngjitni dokumentet të cilat kërkohen sipas konkursit dhe mund të aplikoni në mënyrë të drejtpërdrejtë tek adresa jonë: në sportelin e pranimit në objektin e administrates komunale në Komunën e Prizrenit, rr.“Remzi Ademaj” p.n. -Prizren. VËMENDJE: Aplikimett e pranuara pas afatit të përcaktuar konsiderohen të pranueshme, nëse data në dërgesën postare, ose çfarëdo dëshmie tjetër për datën e dërgimit, dëshmon se ajo është dërguar brenda afatit për dorëzimin e aplikimeve. Konkursi është I barabartë për të gjithë kandidatët e synuar, pa asnjë lloj diskriminimi ashtu siç parashikohet nga Ligjislacionin në fuqi. Konkursi dhe rezultatet shpallen në linkun: https://konkursi.rks-gov.net/.