SHPALLJE E VENDIT TË LIRË TË PUNËS 

• Pozita: Analist i Sigurisë së Informacionit (zyrtar i lartë)
  
• Departamenti Teknologjia Informative
  
• Divizioni: Divizioni i Vazhdimësisë së Punës dhe Sigurisë  Informacionit
  
• I raporton: Udhëheqësit të Divizionit të Vazhdimësisë së Punës dhe Sigurisë së Informacionit
  
• Grada: 5 

Përgjegjësitë dhe detyrat e punës :  

• Konfiguron sistemet dhe veglat e sigurisë së informacionit, i mirëmban dhe sigurohet që  funksionojnë sipas kërkesave, duke përfshirë ato për mbledhje të log-ëve, skanime të sigurisë  për dobësi dhe sisteme të tjera të sigurisë se informacionit;
• Monitoron rrjetin kompjuterik për çështjet e sigurisë së informacionit;
• Monitoron, analizon dhe raporton alarmet e sigurisë së informacionit, incidentet, raportet mbi  dobësitë që mblidhen nga disa burime, si: SIEM, sisteme të tjera të monitorimit, skanime të  ndjeshmërive, etj.
• Rishikon, hulumton dhe raporton alarmet e ndjeshmërive, duke ofruar:
  • analizën relevante të tyre,
  • propozon përmirësimet e nevojshme dhe përcjellë përmirësimet e propozuara,
  • menaxhon skanimet e planifikuara, identifikon zbrazëtitë në to dhe zgjeron fushën e  skanimeve sipas nevojës, si dhe përshkallëzon alarmet e sigurisë së informacionit sipas  nevojës.
• Hulumton shkeljet dhe incidentet tjera të sigurisë së informacionit;
• Dokumenton shkeljet e sigurisë së informacionit dhe vlerëson dëmin që ato shkaktojnë;
• Punon me ekipin e sigurisë së informacionit për të kryer teste dhe për të zbuluar dobësitë në rrjet dhe sisteme;
• Rregullon dobësitë e zbuluara për të ruajtur një standard të lartë të sigurisë;
• Zhvillon praktikat më të mira në BQK për sigurinë e informacionit;
• Ndihmon në përgatitjen dhe implementimin e programit të vetëdijesimit të shfrytëzuesve të  BQK-së për praktikat më të mira të sigurisë së informacionit dhe politikat e DVPSI;
• Mbështet iniciativat e propozuara të sigurisë së informacionit që të sigurojë suksesin e tyre;
• Kërkon përmirësime të sigurisë së informacionit dhe jep rekomandime për menaxhmentin;
• Qëndron i azhurnuar në lidhje me avancimet dhe standardet në fushën e sigurisë së  informacionit;
• Kryen detyra të tjera sipas kërkesës së udhëheqësit.

Kualifikimet dhe përvoja e kërkuar: 

Shkallë universitare (bachelor) nga një institucion i akredituar në Kosovë në fushën e Shkencave  Kompjuterike, Sistemeve të Informacionit ose certifikime relevante në fushën e sigurisë së  informacionit (p.sh. CISSP, CCNA Security, CompTia Security+) (ata të cilët kanë përfunduar 

shkollim jashtë vendit duhet të ofrojnë nostrifikimin e diplomës nga MASHT). Së paku një vit përvojë në siguri të informacionit dhe teknologji informative. Gjuha angleze - e preferuar. 

Njohuritë, aftësitë e kërkuara 

• Njohuri mbi konceptet e firewalls, proxies, SIEM, antivirus;
• Njohuri në reagime ndaj incidenteve të sigurisë së informacionit;
• Njohuri dhe/ose përvojë në vlerësimin e konfigurimeve të sigurisë për të përmbushur  nevojat e organizatës;
• Njohuri në interpretimin e vlerësimeve të cenueshmërisë;
• Njohuri të familjes së standardeve ISO27000 dhe kornizës MITRE ATT&CK;
• Njohuri të sistemeve operative, rrjetave kompjuterike dhe firewalls;
• Njohuri në shqyrtimin dhe analizimin e log-ëve dhe formateve të ndryshme të tyre;
• Aftësi për të identifikuar dhe zbutur dobësitë e rrjetit dhe për të shpjeguar se si të  shmangen ato;
• Aftësi për të paraqitur dhe shpjeguar tema komplekse teknike, probleme, zgjidhje  alternative për të tjerët;
• Aftësi të shkëlqyera organizative dhe komunikuese (me gojë dhe me shkrim);
• Aftësi të shkëlqyera të menaxhimit të kohës;
• Aftësi të forta ndërpersonale dhe aftësi për të komunikuar në mënyrë efektive në grup.

Të gjithë kandidatët duhet të dërgojnë dokumentet e mëposhtme: 

• Formularin zyrtar të BQK-së për aplikim; 
• Letrën përcjellëse (motivuese) ku theksohet interesimi për këtë pozitë;
• Dëshmi mbi përvojën e punës të lëshuar nga institucioni/organizata kompetente e  mbështetur me dëshmi nga Trust-i;
• Kopjet e diplomave, ndërsa diplomat e fituara jashtë Republikës së Kosovës duhet të jenë  të njohura / nostrifikuara zyrtarisht nga ana e MASHT-it;
• Dëshmi mbi identitetin dhe vendbanimin e përhershëm në Kosovë.

Procedura e aplikimit: 

• Afati i fundit për aplikim është 21 prill 2022.
• Aplikimi mund të bëhet online (https://hris.bqk-kos.org) përmes faqes zyrtare të BQK-së  ose përmes arkivit të BQK-së. Asnjë formë tjetër e aplikimit nuk do të merret parasysh.
• Formën e aplikacionit mund ta shkarkoni përmes faqes zyrtare : www.bqk-kos.org ∙
• Dokumentacionet e pakompletuara nuk do të merren parasysh. Vetëm kandidatët të  cilët i plotësojnë kriteret e konkursit do të kontaktohen.