SHPALLJE E VENDIT TË LIRË TË PUNËS 

• Pozita: Administrator i bazave të të dhënave (zyrtar i lartë)
• Departamenti: Teknologjia Informative 
• Divizioni: Teknologjisë Informative dhe Sistemeve 
• Grada: 5
• Raporton tek: Udhëheqësi i Divizionit të Teknologjisë Informative dhe Sistemeve 

Administrator i bazave të të dhënave krijon, instalon, konfiguron dhe administron bazat e të dhënave të bazuara në Oracle dhe MS SQL Server, dhe ofron shërbime shfrytëzuesve që përdorin  aplikacione bankare dhe jobankare.  

Përgjegjësitë dhe detyrat e punës: 

• Administron bazat e të dhënave për aplikacionet që zhvillohen në Departamentin e  Teknologjisë Informative;
• Planifikon krijimin dhe mirëmbajtjen e bazave të të dhënave. Punon ngushtë me  administratorët e sistemeve gjatë instalimit të aplikacioneve të cilat lidhen me bazat e të dhënave;
• Instalon versione të reja të databazave dhe veglave të saj, si dhe veglave të tjera të nevojshme për qasje në baza të të dhënave;
• Vlerëson versionet e databazave, veglave ndihmëse, në mënyrë që të sigurojë se baza e të dhënave punon sipas standardeve. Në bashkëpunim me administratorët e tjerë dhe  zhvilluesit e aplikacioneve, planifikon përditësime me ndikim minimal në punën e  sistemeve;
• Administruesi i bazave të të dhënave është edhe pikë kontakti me Oracle dhe Microsoft  Support, si dhe kompanitë e tjera që kanë aplikacione dhe baza të të dhënave në BQK;
• Shkruan procedura (Ang. “stored procedures”) të cilat përdoren për nxjerrjen e raporteve  nga bazat e të dhënave në MS SQL Server dhe Oracle;
• Shkruan dokumentin udhëzues për përdorim të databazave;
• Rregullon problemet e ndryshme në bazat e të dhënave, aplikacioneve, komunikimin në  mes tyre dhe veglave të tjera të cilat raportohen nga shfrytëzuesit;
• Monitoron dhe në rast të problemeve, rregullon problemet me komunikim në mes të  databazave dhe aplikacioneve të ndryshme;
• Konfiguron bazat e të të dhënave për “high availability”;
• Planifikon, implementon dhe teston në mënyrë të vazhdueshme procedurat për backup dhe  restore të bazave së të dhënave;
• Kryen proceset e EOD (End of Day) pas mbylljes se orarit;
• Kryen edhe detyra të tjera të caktuara nga udhëheqës-i/ja.

Njohuritë e kërkuara: 

• Njohuri të shkëlqyeshme në administrimin e bazave të të dhënave të bazuara në Oracle dhe  MS SQL Server;
• Njohuri të shkëlqyeshme në dizajnimin logjik dhe fizik të bazave të të dhënave;
• Aftësi të kryej rregullime në performancën e bazave të të dhënave;
• Të jetë i aftë të ofrojë strategji gjatë zhvillimit të bazave të të dhënave;
• Shkathtësi të shkëlqyeshme në shkrimin e query të ndryshëm sipas nevojave dhe natyrës  së punës;
• Njohuri të mirë të menaxhimit të të drejtave të shfrytëzuesve të bazave të të dhënave;
• Përvojë në migrime të bazave të të dhënave;
• Njohuri në performancë tunning të bazave të të dhënave;
• Përvojë në T-SQL apo PL/SQL;

Kualifikimet dhe përvoja e kërkuar: 

• Diploma bachelor në fushën e shkencave kompjuterike, elektroteknike apo matematikës,  ose certifikime profesionale për Microsoft SQL: MCSA: SQL Database Admin, MCSA:  SQL Server, Oracle Database Administration Certified Professional, Oracle Certified  Associate (OCA), Oracle Certified Professional (OCP);
• Përvojë 2 vjeçare në administrimin e bazave të të dhënave;
• Gjuha angleze e preferuar.

Të gjithë kandidatët duhet të dërgojnë dokumentet e mëposhtme: 

• Formularin zyrtar të BQK-së për aplikim; 
• Letrën përcjellëse ( motivuese) ku theksohet interesimi për këtë pozitë;
• Dëshmi mbi përvojën e punës të lëshuar nga institucioni/organizata kompetente e  mbështetur me dëshmi nga Trust; 
• Kopjet e diplomave, ndërsa diplomat e fituara jashtë Republikës së Kosovës duhet të  jenë të njohura /nostrifikuara zyrtarisht nga ana e MASHT-it;
• Dëshmi mbi identitetin dhe vendbanimin e përhershëm në Kosovë;

Procedura e aplikimit: 

• Afati i fundit për aplikim është 28 shkurt 2022.
• Aplikimi mund të bëhet online (https://hris.bqk-kos.org) përmes faqes zyrtare të BQK-së  ose përmes arkivit të BQK-së. Asnjë formë tjetër e aplikimit nuk do të merret parasysh. ∙ Formën e aplikacionit mund ta shkarkoni përmes faqes zyrtare : www.bqk-kos.org
• Dokumentacionet e pakompletuara nuk do të merren parasysh. Vetëm kandidatët të  cilët i plotësojnë kriteret e konkursit do të kontaktohen.