Puna në distancë në kohën e pandemisë

Puna në distancë në kohën e pandemisë

Me përhapjen e vazhdueshëm të virusit COVID-19, shumë kompani dhe biznese u kanë kërkuar punonjësve të punojnë nga shtëpia apo në distancë. Duke parë efektet e pandemisë, ka gjasa që kjo situatë të vazhdojë përgjatë tërë vitit. Përderisa kjo mund të duket një ndryshim i thjeshtë, puna në distancë mund të jetë sfiduese, veçanërisht kur bëhet fjalë për produktivitetin, komunikimin dhe motivimin.

Në këtë shkrim, ne do të diskutojmë praktikat më të mira për të punuar nga shtëpia, dhe si të qëndrojmë të motivuar, produktiv dhe të shëndetshëm.

Të jeni produktiv kur punoni në distancë

Puna nga shtëpia sigurisht që ka përfitimet e saja. Megjithatë, gjërat e përditshme, familja, TV-ja dhe mediat sociale mund të zhvendosin lehtësisht vëmendjen. Këtu janë disa këshilla për eliminimin e shpërqendrimeve dhe rritjen e produktivitetit përderisa punoni nga shtëpia:

Veshja zyrtare

Mund të duket joshëse të zgjoheni në mëngjes dhe menjëherë në pizhame të uleni para kompjuterit. Por, nëse jeni të veshur për gjumë, mund të jetë shumë më vështirë të aktivizoni trurin në modalitetin e produktivitetit. Përpiquni të ruani rutinën tuaj të rregullt të mëngjesit për të vendosur kufijtë midis punës dhe jetesës në shtëpi.

Në vend të shkuarjes në punë në mëngjes, ju mund të provoni një aktivitet për të rritur produktivitetin, të tilla si shëtitje apo stërvitje të lehtë. Pastaj, vishuni dhe bëhuni gati për ditën tuaj ose edhe përgatitni një mëngjes të shëndetshëm.

Të vishesh për punët që të presin do t’ju bëjë të ndiheni më të motivuar dhe kjo është gjithashtu praktikë e dobishme në rast të video-takimeve të papritura.

Vendosni dhe ndiqni një orar

Është e rëndësishme të caktoni orarin e punës ndaras nga koha e shtëpisë. Për transparencë, tregoni menaxherit tuaj në çfarë kohe e keni orarin tuaj të punës nga shtëpia dhe kalendarin tuaj kur jeni në dispozicion.

Këtu janë disa këshilla për menaxhimin e orarit të përditshëm për të perfeksionuar produktivitetin:

  • Filloni çdo ditë duke rishikuar detyrat dhe angazhimin që duhet të bëni drejt objektivave të ditës dhe javës
  • Jepi prioritet detyrave duke kuptuar investimin në kohë, kompleksitetin dhe ndikimin
  • Bëni pushime të planifikuara rregullisht për të pushuar, për të dalë jashtë, ose për të pushuar trurin

Shëndeti dhe produktiviteti vuajnë kur ne nuk bëjmë pushime të rregullta për trurin dhe trupin tonë. Truri është si çdo muskul tjetër – duhet të pushojë. Këto pushime mund të marrin çdo formë përfshirë:

  • Meditimin
  • Leximin
  • Muzikën
  • Shëtitjen

Krijoni hapësirë pune

Nëse keni mundësi, është mirë që të krijoni hapësirë të veçantë për punë në shtëpi. Kjo do t’ju ndihmojë të ndani aktivitetet e shtëpisë dhe të punës dhe të rritni produktivitetin kur jeni duke punuar në hapësirën e caktuar.

Për të përmirësuar takimet online apo me video, duhet të:

  • Provoni mikrofonin, dëgjueset dhe kamerën para takimeve të rëndësishme për t’u siguruar që ato funksionojnë
  • Jini të vetëdijshëm për sfondin fizik prapa vetes kur jeni në takim online, ndryshoni atë në hapësirë më profesionale kur është e nevojshme
  • Përdorni kamerën kur është e mundur –  mbajtja e kamerës së ndezur mund të përmirësojë mirëkuptimin dhe komunikimin

Kushtoni vëmendje rraskapitjes

Përzierja e hapësirës së punës dhe hapësirës private në shtëpi mund të ndikojë në mungesë të pushimit.

  • Mbyllni kompjuterin tuaj në fund të ditës;
  • Shmangni hapjen e e-mailit ose bisedës në internet pasi ta keni fikur
  • Identifikoni ndonjë aktivitet që fillon rreth kohës që ju duhet të shkëputeni, të tilla si gjëra të zakonshme me familje ose takim me një mik

Puna në distancë dhe Komunikimi

Kur punoni nga shtëpia, komunikimet personale janë të kufizuara. Kjo do të thotë që ju nuk mund të mbështeteni në ndërtimin e marrëdhënieve përmes bisedave direkte, gjuhës së trupit dhe shprehjeve të fytyrës.

Për të mbajtur komunikime të shëndetshme me kolegët gjatë punës në distancë, këtu janë disa gjëra që duhet të mbani mend:

Planifikoni takimet ditore ose javore

Për secilin ekip, një takim i përditshëm përfshin stafin dhe fokusohet në progresin e punës që ndihmon kryerjen e punëve. Në formatin standard të një takimi secili anëtar i ekipit vjen i përgatitur t’u përgjigjet këtyre pyetjeve:

  • Çfarë punova dje?
  • Çfarë po punoj sot?
  • Cilat çështje po më bllokojnë?

Diskutimi i përditshëm i sukseseve dhe sfidave individuale dhe planeve i mban të gjithë të ngazëllyer për kontributin e përgjithshëm të ekipit në kompani.

Bëni takime online

Shumë kompani dhe ekipe përdorin bisedat online për të qëndruar të lidhur si personalisht ashtu edhe me tema të punës. Ju mund të përdorni bisedat dhe kontaktet rregullisht për të komunikuar sa më shpesh të jetë e mundur rreth qëllimeve kryesore dhe përparimin drejt tyre.

Luftojeni keq-komunikimin

Komunikimi në distancë mund të çojë në keqkomunikim dhe keqkuptim sepse ndërtimi i komunikimit direkt (përfshirë gjuhën e trupit dhe shprehjet e fytyrës) ka tendencë të vështirësohet në formatin e shkruar.

Nëse vëreni mesazhe ose ndonjë ton negativ gjatë bisedës, përdorni atë si sugjerim tuajin për të përdorur videon. Nëse ndiheni të fyer ose të mërzitur nga mesazhi i dikujt, mbani mend se ne priremi t’i perceptojmë mesazhet e shkruara neutrale si negative. Kur dyshoni, diskutoje. Bëni pyetje për të kuptuar qëllimet e kolegut tuaj.

Mbani shpirtin e ekipit

Kur punoni nga shtëpia, është e rëndësishme krijimi i hapësirave për të bashkëvepruar me kolegët e ekipit përtej projekteve.

Puna nga distanca mund të sjellë ndjenja të vetmisë. Këtu janë disa mënyra për t’u lidhur gjatë punës nga shtëpia:

  • Përdorni biseda online si momentin tuaj më te gëzuar
  • Vendosni video bisedë opsionale për drekë për të diskutuar tema argëtuese, të tilla si një libër për të lexuar ose punën tuaj të preferuar shtëpiake.

Ndërtimi i ekipit virtual mund të ndihmojë në zëvendësimin e formave të vlefshme të komunikimit brenda personave që mungojnë nga zyra në distancë.

Menaxhimi i ekipit në distancë

Lidershipi nga distanca mund të paraqesë sfida e veta, veçanërisht nëse ky është ndryshim i ri për ju ose ekipin tuaj. Megjithatë, edhe në këto kushte, planifikimi, komunikimi dhe përcaktimi i pritjeve mund të ndihmojnë në ruajtjen e substancës dhe produktivitetit.

Këtu janë disa këshilla për menaxhimin e ekipit në distancë:

Komunikoni pritjet

Gjëja më e rëndësishme është koha për të planifikuar. Çfarë duhet të arrini, kur dhe çfarë ndryshimesh mund të keni nevojë të bëni në planin dhe qëllimet fillestare tremujore? Qarkulloni planin në mënyrë që të filloni ta diskutoni me ekipin tuaj. Kur keni një dokument që shërben si udhëzues për të gjithë ju do të shmangni keqkuptimet. Ju gjithashtu mund të ndani dokumentin me palët e interesit dhe ekipet tjera me të cilat bashkëpunoni.

Planifikoni një takim me ekipin për të diskutuar nëse ka ndonjë pritje të re dhe çfarë ka ndryshuar me punën në distancë. Në rendin e ditës tuaj, përfshini:

  • Sa shpesh priten raportime dhe në çfarë forme (të shkruara, video-biseda, regjistrim, takim)
  • Normat e komunikimit (cilën teknologji do t’i përdorni për secilin lloj mesazhi, kohën e përgjigjes, etj.)

Mbaj komunikimin direkt

Komunikimi direkt është koha e duhur për tu siguruar që secili anëtar i ekipit po punon drejt objektiva të njëjta dhe më e rëndësishmja, të kontrolloni mirëqenien dhe angazhimi i ekipit.

Kontrollet e rregullta lejojnë reagime të menjëhershme dhe gjithashtu promovojnë komunikimin e hapur. Dedikimi i kohës me anëtarët e ekipit bëhet edhe më kritike dhe më e rëndësishme kur menaxhoni ekip virtual. Provoni të ndani midis 30 minutave deri në një orë me secilin nga raportet direkte për çdo javë.

Siguroni sa më shpesh feedback

Nëse punonjësit janë mësuar me një ambient të zyrës ku marrin feedback çdo ditë, pozicioni në distancë mund të shkaktojë pasiguri ose konfuzion.

Feedback-u i rregullt i lejon punonjësit të dinë se ku qëndrojnë dhe zvogëlojnë mundësinë befasitë dhe keqkuptimet.

Këmbe informacionin përkatës

Mbani punonjësit të informuar duke këmbyer informacion për të gjithë anëtarët e ekipit në kohën e duhur. Lidershipi është i domosdoshëm për shkëmbimin e informacionit përkatës që ju nevojitet për t’ia proceduar ekipit tuaj. Gjej kohë për të kuptuar se çfarë po diskutohet, pse dhe çfarë kërkohet nga ekipi juaj.

Zgjidhni mediumin e duhur ose një kombinim në varësi të mesazhit dhe implikimet e tij. Disa mesazhe do të kërkojnë një email. Kur punoni në distancë, veçanërisht në fillim, më shumë komunikim është më mirë se më pak. Ndonjëherë (dhe në varësi të stilit tuaj të komunikimit) mund të zëvendësoni një e-mail të gjatë me një video.

Rezymeja personale dhe struktura e saj

Rezymeja personale dhe struktura e saj

Shpesh kur e shkruani një CV do të vini re se rezymeja personale nuk ka një strukturë apo është shumë më e gjatë se sa dokumenti që fillimisht vendoset ta shkruani. Ky është ai momenti ku formatimi dhe qëndisja përfundimtare e rezymesë vjen ne skenë.

Në vijim japim disa këshilla që do t’ju ndihmojnë të përdorni informacionin që keni në rezyme në një strukturë reale:

Përdorni një shembull

Një mënyrë e thjeshtë për të strukturuar rezymenë tuaj në një rezyme reale është përdorimi i një shembulli të CV-së. Kastori ka disa shembuj për CV falas për shumicën e punëkërkuesve.

Dhe nëse jeni student ose i diplomuar së fundmi, mund të konsideroni të përdorni një model si ky që vendos arsimin në rend të parë.

Përshtate CV-në

Ndonjëherë ju gjeni një model që ju pëlqen, por disa nga detajet nuk janë saktësisht të përshtatshme për ju. Kjo nuk do të thotë që ju nuk mund të fshini një përvojë ose të hiqni apo të shtoni pika në varësi të asaj që thekson secila punë e kaluar. Ose mbase seksioni i “Trajnimeve” do t’ju shërbente më mirë se sa një seksion i “Përvojës Vullnetare”. Sido që të jetë, mos hezitoni të përshtatni një model ekzistues për t’iu përshtatur nevojave tuaja aktuale.

Shqyrtoni renditjen

Përderisa shumica e njerëzve preferojnë të rendisin së pari përvojën e tyre profesionale, kjo nuk është gjithmonë mënyra më e mirë për të komunikuar që jeni i kualifikuar për një vend pune. Rezymeja juaj është mirë të komunikojë shpejt dhe qartë kualifikimin tuaj për rolin specifik në të cilin po aplikoni. Kjo do të thotë që ju keni nevojë të ristrukturoni përmbajtjen e CV-së në mënyrë që informacioni më i rëndësishëm të theksohet në përputhje me rrethanat.

Pra, nëse jeni sapo diplomuar, shkollimi juaj mund të renditet përpara historisë së punës. Ose nëse po kërkoni një pozitë jashtë fushës aktuale, mund të konsideroni së pari renditjen e shkathtësive tuaja.

Rregulloni përmbajtjen

Së pari vendosni se cilat informacione nga struktura e rezymese tuaj janë më të rëndësishme për punën në të cilën po aplikoni. Gjithmonë zgjidhni vetëm ato që janë më të rëndësishme për punën për të cilën po aplikoni. Për shembull, puna si shitës në dyqan në shkollë të mesme nuk ka nevojë të jetë në rezymenë tuaj nëse aplikoni për pozita të menaxhimit të projektit.

Pikat kryesore të jenë të rëndësishme

Nëse shikoni shembuj dhe modele të ndryshme të rezymeve, do të shihni që nën çdo përvojë ka shpesh hapësirë për disa pika kryesore. Këtu mund të flisni për detyrat dhe arritjet e punës, duke nënvizuar aspektet e kaluara që janë më të rëndësishme për punën në të cilën po aplikoni.

Kurdo që keni mundësi, përfshini rezultatet e punës që keni bërë dhe përdorni numrat dhe statistikat për të përshkruar punët që keni bërë dhe ndikimin që keni arritur.

Menjanoni stilizimin e tepruar

Shumë kompani përdorin sisteme të ndjekjes së aplikantëve – softuere kompjuterike që klasifikojnë rezymetë dhe identifikojnë aplikantët më të kualifikuar. Ky program nuk mund të lexojë shumë detaje – përfshirë kutitë e teksteve dhe grafikët – kështu që një rezyme e thjeshtë që bazohet në përdorimin e italikëve, bold fonteve, dhe nënvizimin për të theksuar tekstin është mënyra e qëlluar.

Shkruani Rezyme sa më të shkurtër

Në shumë profesione është praktikë e mirë të përfundoni rezymenë tuaj në një apo dy faqe. Jo vetëm që rekrutuesit kanë më shumë mundësi të lexojnë tërë rezymenë, por gjithashtu është një mënyrë e mirë për t’u siguruar që po vendosni vetëm informacionin më të rëndësishëm.

Hapat drejt ndryshimit të suksesshëm të karrierës

Hapat drejt ndryshimit të suksesshëm të karrierës

A jeni duke menduar për një ndryshim karriere? Njerëzit kërkojnë të ndryshojnë karrierën për arsye të ndryshme. Qëllimet ose vlerat e punës suaj mund të kenë ndryshuar. Ju mund të keni zbuluar interesa të reja apo mund të dëshironi të fitoni më shumë para ose të keni orar fleksibël.

Nëse po mendoni për një ndryshim të karrierës, ky shkrim ju jep disa alternativa më ndryshe. Shumë më ndryshe.

Ndiqni këto hapa kryesorë:

Filloni me ‘Pse

Shumë njerëz i urrejnë punët e tyre, por ata nuk kanë shumë informacion përtej vendit ku punojnë. Ju duhet te mendoni për fjalën ‘pse’ para se të vendosni drejt diçkaje të re. Përndryshe, ju mund të përfundoni në një pozitë tjetër, por që ende e urreni.

Mendoni për këto pyetje: Pse e dua këtë ndryshim karriere? Pse kjo karrierë e re do ta bëjë jetën time më të mirë? Cilat mund të jenë pengesat ose rreziqet?

Ndonjëherë, gjatë këtij procesi, e kupton se gjërat në të vërtetë mund të mos jenë të përkryera, siç i keni imagjinuar. E ndonjëherë tjetër, rruga do të bëhet edhe më tërheqëse dhe do të ketë kuptim edhe më të mirë.

Behu i qartë në ‘çfarë

Si duket puna apo karriera e re? Si nuk duket? Si quhet?

Gjithashtu, një pyetje shumë e rëndësishme për tu marrë parasysh: A kam ndonjë  kapital të karrierës në këtë fushë? Me fjalë të tjera, a do të jeni në gjendje të shfrytëzoni shkathtësitë, kontaktet, dhe brendin tuaj profesional për të bërë një tranzicion të suksesshëm?

Shumë njerëz e përpijnë lehtë thënien “ndiqe pasionin tënd dhe gjithçka do të jetë mirë”. Por hulumtimet shkencore tregojnë se ata që “ndjekin pasionet e tyre” kanë një probabilitet më të ulët për të gjetur përmbushje afatgjate të karrierës për dallim prej atyre që përdorin kapitalin ekzistues të karrierës kur bëjnë një ndryshim.

Ndoshta do ta keni shumë më mirë të përqendroheni në pozitat që nxisin kapitalin e karrierës që keni krijuar ndër vite dhe të mbështeteni në këto fusha të ekspertizës në rrugë të reja dhe krijuese.

Kuptoni se çfarë kërkohet për një ndryshim karrierë

A ju mungojnë shkathtësi të caktuara që ju bëjnë kandidat i duhur për një pozitë të re? A keni nevojë për certifikime? Shkollim? Licenca?

Ndonjëherë, edhe nëse e bëni këtë, është plotësisht brenda mundësive. Mund të jetë çështje e thjeshtë e ndjekjes së një kursi online dhe zhvillimit të një shkathtësie bazë, në mënyrë që të mund të thoni me vetëbesim, “Po, unë e di Excel-in” ose “Po, unë mund të punoj në një program të caktuar.”

Por ndonjëherë, ju do të keni nevojë për arsim ose certifikim më të gjerë. Ju duhet ta mendoni këtë dhe të merrni vendime nëse jeni të gatshëm të bëni investimet  që kërkon ky ndryshim i karrierës apo jo.

Ju gjithashtu duhet të listoni burimet shtesë që ju nevojiten për të nisur këtë dhe kompromiset që mund të kërkohen. A do të marrë kjo përpjekje kohën tuaj nga marrëdhëniet ose aktivitetet e tjera në jetën tuaj? A ju përkrah familja?

Duke supozuar se të gjitha këto janë në rregull, tani ju keni nevojë të ndërtoni një plan.

Zhvilloni një plan veprimi

Filloni me rezultatin final në planin tuaj të veprimit. Cili është qëllimi i juaj kryesor dhe afati kohor ideal?

Pasi ta keni këtë pjesë, zbërthejeni atë në pikat kryesore – shkathtësitë që ju duhet t’i zhvilloni, njerëzit që duhet të takoni, gjëra që duhet të përfundoni në punën tuaj aktuale, gjërat personale që duhet të kryeni para se të bëni këtë ndryshim. Cilat janë momentet vendimtare?

Caktoni vetes detyrat ditore ose javore, në mënyrë që të dini se çfarë saktësisht do të bëni kur të uleni para kompjuterit në emër të “ndryshimit të karrierës”.

Ndërsa po i kryeni këto detyra, do të vëreni gjithashtu se si disa hapa të vegjël tentojnë të kenë një efekt të topit të dëborës dhe do t’ju japin si vrull ashtu edhe besim se kjo është, në fakt, një mundësi shumë reale.

Monitoroni progresin

Respektoni veten mjaftueshëm për të monitoruar progresin. Monitoroni se si jeni duke avancuar dhe çfarë duhet të bëni më pas. Vendosni shënime rikujtimi, në mënyrë që të ndiqni gjërat kur duhet.

Nëse jeni duke investuar kohë dhe energji për ta bërë këtë të mundur, investoni kohën dhe energjinë për të ndjekur progresin tuaj.

Një tabelë e thjeshtë në Excel do të bëjë mrekulli. Nëse nuk jeni person i Excel-it, përdorni mjetin që ju jep më së shumti kuptim kështu që të mos e braktisni përparimin.

Zhvendosni brendin tuaj

Ju do të duhet të ndryshoni brendin tuaj profesional në mënyrë që të ju kuptojnë audienca e re e synuar. Rregulli i thjeshtë: Sa më lehtë t’i bësh ata të të kuptojnë, aq më të mira mundësitë që ata do të duan të dinë më shumë për ty.

Konkurrentët tuaj, të paktën disa prej tyre, do të duken shumë mirë në letër, sepse ata kanë qenë në atë industri ose kanë punuar në pozita të ngjashme për disa vjet.

Pra, si do ta reklamoni veten në një mënyrë që jo vetëm që ju bën të dukeni logjikshëm, por mbase ju pozicionon si një njeri i shquar?

Mobilizoni rrethin tuaj

Merrni njerëzit tuaj në bord, veçanërisht ata që e dini se do ta mbajnë anën. Po, do t’ju duhet të jeni pak diskret në lidhje me qëllimet tuaja nëse jeni ende i punësuar diku tjetër, por kjo nuk është koha për të operuar plotësisht nën radar. Zgjidh kontaktet më të besuara dhe kërko ndihmën e tyre.

Dhe kur ta bëni, jini specifik. Nëse u thua njerëzve “unë jam duke menduar për t’u bërë një ekspert i shkrimit të granteve” kjo nuk tregon çfarë ju nevojitet ose si ata mund të ndihmojnë.

Lidhuni me njerëz të duhur

Ju absolutisht duhet të njoftoni njerëz pasionant dhe të suksesshëm që punojnë në fushën e re të interesit. Mos u streso për këtë. Njerëzit janë bujarë me kohën dhe kontributin e tyre më shumë sesa mendoni, veçanërisht kur shfaqni interes për ta dhe njihni ose validoni diçka që ata bëjnë profesionalisht.

Kurrë mos harroni se askush nuk dëshiron të zihet në pritë. Mënyra më e mirë për t’u afruar është duke dhënë një kompliment ose duke vërejtur diçka që ata janë duke bërë që duket interesante ose mbresëlënëse.

Pasi të ndërtoni njëfarë raporti, atëherë mund të kërkoni një favor ose pak nga koha e tyre. Dhe pa dyshim, falënderoni të gjithë ata që ju japin informacion dhe këshilla gjatë rrugës. Më mirë akoma, zbatoni rekomandimet e tyre. Ky është falënderimi më i mirë që mund të jepni.

Rekomandim

Arsyeja që shumë njerëz ngecin në ndryshimin e karrierë është sepse ata janë te frikësuar. Ndryshimi është i frikshëm. Frika nga e panjohura është e tmerrshme. Frikë nga dështimi? Me e keqja.

Atëherë cili është sekreti i njerëzve që ja dalin matanë ?

Në shumë raste është mjaft e thjeshtë: Ata ndërmorën një hap të vogël dhe të guximshëm drejt qëllimit secilën ditë, madje edhe kur ishte e papërshtatshme.

Ata i peshuan dhe i vlerësuan gjërat dhe vendosën të merreshin plotësisht me të. Tani është radha juaj.

praktikë pune

5 përfitimet e bërjes së një praktike pune

Praktika e punës (praktike profesionale, stazh ose internship) është mundësi që u ofrohet të rinjëve ose studentëve të interesuar për të fituar përvojë pune në një industri specifike. Programi i praktikës profesionale është gjithashtu një hap i rëndësishëm për orientim dhe ndërtimin e karrierës së qëndrueshme.

Nëse po hyni për herë të parë në tregun e punës pas universitetit ose një programi të aftësimit profesional, me shumë gjasë ju nuk keni ende përvojën e kërkuar. Praktika është një mënyrë e mirë për ta përmbushur atë boshllëk duke fituar një ekspozim të vlefshëm se si funksionon një biznes në fushën tuaj të përzgjedhur profesionale.

Zakonisht, një praktikant punon në një kompani ose organizatë për një periudhë të caktuar kohore, tre deri në gjashtë muaj. Praktikat profesionale mund të jenë në kohë të pjesshme p.sh. për vetëm disa ditë ose disa orë në javë. Ato mund të jenë edhe me orar të plotë, që nënkupton që praktikantet duhet të punojnë në të njëjtën kohë si punonjësit tjerë të kompanisë.

Praktika mund të kryhen në çdo kohë të vitit, përfshirë atë gjatë verës, dhe gjatë semestrit të rregullt shkollor apo universitar.

Disa prej avantazheve kryesore të praktikës për studentët:

  • Përvoja e punës;
  • Përvoja kërkimore dhe analitike;
  • Mentorship në punë;
  • Ndihmon në drejtimin e qëllimeve të karrierës;
  • Ndihmon në krijimin e rrjetit profesional;
  • Ndihmon në ndërtimin e një CV-je të fortë;
  • Siguroni referenca dhe rekomandime të mira;
  • Tranzicioni në një punë të përhershme;
  • Ndërton vetëbesimin.

Rëndësia dhe benefitet

Në kohën e sotme, praktikat janë shumë të rëndësishme sepse u ofrojnë studentëve orientim dhe njohuri për të punuar në fushën e tyre të dëshiruar. Ata mësojnë se si kursi i tyre i studimit apo trajnimit profesional inkorporohet në botën reale dhe ndërtojnë një përvojë të vlefshme që i bën ata kandidatë më të fortë për punë pas diplomimit apo certifikimit.

Praktikat në punë mund të jenë gjithashtu një mënyrë e shkëlqyeshme për të “provuar” një karrierë të caktuar. Për shembull, ju mund të dëshironi një punë të shpejtë në fushën e marketingut, por pas një praktike pune, mund të vëreni që kjo nuk është për ju.

Praktika profesionale është njohuri e vlefshme dhe do t’ju ndihmojë të zgjidhni rrugën tuaj të karrierës. Në disa kolegje apo shkolla, praktikat gjithashtu llogariten drejt kredisë së përgjithshme të kursit. Kjo varet nga kërkesat e shkollës individuale, por zakonisht një stazh tre-mujor llogaritet si një kredi e plotë për kursin.

Cfarë punë kryejnë praktikantët

Detyrat e përditshme të një praktikanti mund të ndryshojnë shumë, madje brenda të njëjtës industri. Në masë të madhe kjo varet nga vetë organizata apo punëdhënësi.

Në disa praktika, ju mund të përqendroheni më shumë në detyrat administrative. Por në të tjerat, ju do të jeni pjesë e rëndësishme e ekipit, duke dhënë kontribut të konsiderueshëm për kompaninë.

Praktikisht, prej praktikës duhet të përfitojnë studentët më shumë sesa kompania, përveç nëse praktikanti paguhet.

Kompensimi në praktike pune

Praktikat pa pagesë janë ato më të zakonshmet, por ka edhe shumë praktika të cilat paguhen. Kjo varet më shumë nga industria dhe pozita të cilën aplikoni. Për shembull, praktikantët editorialë në gazetari rrallë paguhen, ndërsa studentët e inxhinierisë dhe teknologjisë informative pothuajse gjithmonë paguhen.

Nëse mund ta përballoni një stazh pa pagesë, ajo mund të jetë një përvojë jashtëzakonisht e dobishme. Ju mund të merrni përvojë të dobishme në punë, të ndërtoni një portofol dhe të krijoni një rrjet të kontakteve profesionale që mund t’ju ndihmojnë pasi të keni mbaruar studimet apo certifikimin e trajnimit profesional.

Perspektiva në punë

Disa organizata dhe kompani ofrojnë oferta pune për praktikantë të jashtëzakonshëm pas përfundimit të praktikës. Për të përmirësuar shanset tuaja, bëhuni proaktivë në punën tuaj, kushtoni vëmendje detajeve, dëgjoni dhe merrni kritika, por edhe shprehni gatishmëri të merrni pjesë në projekte të veçanta.

Nëse arrini të pozicionoheni si një punëtor i zellshëm dhe i besueshëm atëherë kjo ua rrit shanset që të konsideroheni si punëtor i përhershëm i kompanisë.

Megjithatë, edhe nëse nuk arrini të siguroni punë të përhershme pas praktikës, ju mund t’i kërkoni kompanisë një referencë apo rekomandim për punë, të cilën mund ta përdorni kur të aplikoni për punë tjera më vonë.

Po aq e rëndësishme, ju tashmë keni takuar njerëzit e parë në rrjetin tuaj profesional. Mbani kontakt me ta.

Zhvillimi i shkathtësive në praktikë pune

Praktikat ose stazhet janë gjithashtu një mënyrë e shkëlqyeshme për të zhvilluar shkathtësitë në vendin e punës. Sigurisht që universiteti ose shkolla profesional ua siguron shkathtësitë e tilla si arritja e afateve, shkathtësitë kërkimore dhe analitike, por praktika në punë ju lejon të zhvilloni vetëdijen e biznesit për industrinë në të cilën dëshironi të punoni.

Për më tepër, praktikat ju lejojnë të zgjidhni problemin, të organizoni kohën tuaj në mënyrë efektive dhe të tregoni se mund të punoni në një ekip që është diçka ndryshe nga një prezantim seminarik në shkollë ose universitet.

shkathtësitë e buta

Si t’i zhvilloni shkathtësitë e buta në 2020?

Shkathtësitë e buta (soft skills) përfshijnë aftësi të përgjithshme që kërkojnë shumica e punëdhënësve kur rekrutojnë, dhe janë të nevojshme për shumicën e vendeve të punës. Ato nganjëherë quhen shkathtësi të transferueshme ose shkathtësi punësimi.

Përderisa shkathtësitë e forta (apo hard skills) janë shkathtësi të nevojshme për të bërë një punë specifike, përgjithësisht të fituara përmes punës, mësimit ose trajnimit profesional, shkathtësitë e buta janë ato të llojit që ju i fitoni përmes përvojës në jetë apo mënyra sesi ju:

  • komunikoni dhe silleni me të tjerët;
  • merrni vendime;
  • organizoni veten dhe punoni.

Punëdhënësit zakonisht kërkojnë njerëz me shkathtësi të buta që i përshtaten kulturës së kompanisë së tyre. Aplikimi dhe intervista juaj e punës duhet të dëshmojnë se shkathtësitë tuaja të buta përputhen me të tyre.

Sipas një studimi, shtatë karakteristikat kryesore të suksesit në një prej kompanive kryesore në botë si Google janë të gjitha shkathtësi të buta:

  • të jesh një trajner i mirë;
  • të komunikoni dhe dëgjoni mirë;
  • të keni parasysh vlerat dhe këndvështrime të ndryshme;
  • të jeni mbështetës ndaj kolegëve;
  • të mendoni në mënyrë kritike dhe të zgjidhni problemet;
  • të krijoni lidhshmëri me ide komplekse.

Ju mund të dëshironi të zhvilloni shkathtësi të reja të buta ose keni nevojë për këshilla se si të tregoni se i keni ato kur jeni në një intervistë pune.

Në vijim do të përqëndrohemi në 5 shkathtësitë më të mira të punëdhënësve që kërkojnë. Lexoni këshillat tona se si mund t’i zhvilloni këto shkathtësitë dhe të dalloheni nga kandidatët e tjerë në procesin e intervistimit.

Shkathtësitë e komunikimit

Komunikimi është një shkathtësi e rëndësishme për një gamë të gjerë të punëve dhe sektorëve, si:

  • Komunikim dixhital dhe IT – komunikim i qartë me email;
  • Marketing – komunikime të mira për audiencën tuaj;
  • Shërbime – që kanë të bëjnë me klientët;
  • Përkujdesje dhe punë sociale – ndihmë dhe kujdes për njerëzit;

Zhvilloni shkathtësitë tuaja të komunikimit duke takuar njerëz të rinj dhe duke punuar me ta. Ju mund të:

  • Bashkoheni me një ekip sportiv ose klub të arteve krijuese;
  • Të punoni si vullnetar;
  • Të mbani një fjalim në publik;
  • Të merrni pjesë në një kurs online;
  • Apo të bëni një prezantim në punë.

Nëse dëshironi të ndërtoni vetëbesimin tuaj, mund të praktikoni dhe zhvilloni shkathtësitë tuaja të komunikimit me familjen dhe miqtë si:

  • Organizoni një aktivitet – si p.sh. një kuiz;
  • Situata praktike – “si do të trajtonit një ankesë të klientit”;
  • Praktikoni duke shkruar email-a ose letra;
  • Praktikoni me zë një intervistë pune.

Shkathtësitë drejtuese apo të lidershipit

Shpesh punëdhënësit i asociojnë shkathtësitë e mira drejtuese me shkathtësitë e menaxhimit.

Edhe nëse nuk jeni në pozitë menaxheriale, ju sigurisht keni pasur përvojë lidershipi, si:

  • Menaxhimi i kohës;
  • Menaxhimi i konfliktit;
  • Zgjidhja e problemeve;
  • Mentorimi.

Nëse dëshironi të zhvilloni aftësitë tuaja drejtuese ju mund të:

  • Mentorni një student;
  • Organizoni kalendarin tuaj duke krijuar një orar kohor;
  • Zgjidhin konfliktin mes miqve ose kolegëve;
  • Motivoni të tjerët – ju mund ta bëni këtë duke organizuar aktivitete, argëtim ose edukim si një kuiz;
  • Mësoni aftësi për të tjerët – ju mund të krijoni manuale udhëzimesh ose video për t’i ndarë me familjen dhe miqtë.

Shkathtësitë pozitive

Qëndrim (attitude) është diçka që shumë punëdhënës e vlerësojnë. Punëdhënësit kërkojnë njerëz që shohin zgjidhje, jo probleme.

Kjo shkathtësi e butë është mund të reflektohet gjatë një interviste për punë. Ju mund të tregoni që keni një qëndrim të mirë dhe jeni të lumtur që takoni njerëz.

Punëdhënësit duan dikë që është i lumtur në punë dhe që shoqërohet me anëtarët e tjerë të ekipit.

Për të zhvilluar aftësitë tuaja pozitive ju mund të:

  • Motivoni një ekip;
  • Përpiquni të nxjerrni sa më mirë nga një situatë e vështirë;
  • Krijoni network – qoftë për punë apo edukim, kjo tregon një qëndrim të mirë për të mësuar dhe për tu zhvilluar;
  • Bëhu pjesë e një ekipi – tregohu se je lojtar i ekipit.

Shkathtësitë e fleksibilitetit

Fleksibiliteti u dëshmon punëdhënësve se jeni person i adaptueshëm në situata të ndryshme. Kjo gjithashtu tregon që ju mund ta pranoni ndryshimin dhe të përshtateni për një kohë të shkurtër dhe se jeni të gatshëm të shkoni përtej asaj që duhet të bëni.

Për të zhvilluar shkathtësitë e buta të fleksibilitetit ju mund të:

  • Duhet të riaranzhoni agjendën tuaj për shkak të një emergjence;
  • Duke bërë më shumë se një punë në një kohë;
  • Bëni diçka jashtë zonës tuaj të komfortit;
  • Ndryshoni planet tuaja për të ndihmuar dikë.

Shkathtësitë për zgjidhjen e problemeve

Punëdhënësit kërkojnë shkathtësitë e buta për zgjidhjen e problemeve sepse kjo tregon se ju mund t’i zgjidhni ato.

Për të zhvilluar shkathtësitë tuaja për zgjidhjen e problemeve ju mund të:

  • Luani lojëra logjike;
  • Zhvilloni shkathtësitë tuaja të komunikimit;
  • Mësoni të bëni analizën e të dhënave;
  • Provoni të mendoni dhe zhvilloni plane për problemet që keni.

Shkathtësitë e buta dhe punëdhënësit

  • Hulumtoni punëdhënësin – cila është kultura e kompanisë. Shikoni në faqen e tyre të internetit dhe shihni se cilat janë vlerat e kompanisë së tyre;
  • Shikoni përshkrimin e punës që po aplikoni. Ju duhet të jeni në gjendje të gjeni disa nga aftësitë e buta që ata kërkojnë;
  • Përdorni metodën STAR për t’ju ndihmuar të tregoni shkathtësitë e buta në përgjigjet dhe shembujt tuaj.
Udhëzuesi juaj për të zgjedhur karrierën

Udhëzuesi juaj për të zgjedhur karrierën

Shpesh të menduarit për atë se cfarë dëshirojmë të ‘bëjmë’ në të ardhmen shkakton një sens paniku tek ne. Sigurisht, ky është një vendim i rëndësishëm dhe ndodh që shumë njerëz të mos zgjedhin karrierën e tyre derisa të fillojnë të punojnë. Gjithashtu, ka shumë të atillë që në të vërtetë ndryshojnë drejtimin pas shumë viteve.

Tani për tani, ju thjesht do të dëshironit të përqendroheni në ngushtimin e opsioneve në fusha të caktuara të punës, ose llojet e gjërave që kënaqeni duke bërë. Edhe nëse e keni vendosur mendjen në një karrierë të caktuar, prapë ia vlen të kaloni kohë duke marrë parasysh nëse vendimi i juaj është zgjedhja e duhur. Udhëzuesi per karrieren ka për qëllim të ju ndihmojë në këtë drejtim.

Cfarë të pelqen të bësh?

Kjo mund të duket e thjeshtë, por gjëja e parë që duhet të merrni parasysh kur vendosni për karrierën është ajo që ju pëlqeni të bëni. Mendoni për interesimin tuaj, llojin e punës që do t’ju përshtatej, dhe aftësitë që keni.

A preferoni punën analitike, si matematika ose shkenca, apo jeni më shumë në fushën krijuese? A ju pëlqejnë gjëra të tilla si hulumtimi, planifikimi ose leximi, ose preferoni detyra më praktike, fizike, që ju lejojnë të përdorni duart tuaja për të ndërtuar, krijuar ose rregulluar gjëra? Ndoshta ju kënaqeni duke ndihmuar njerëzit ose mbase keni treguar aftësi për të qenë të organizuar dhe metodik. A ju pëlqen të punoni si pjesë e ekipit ose individualisht, ose ka ndonjë demografi të caktuar që ju tërheq (fëmijët, të moshuarit ose kafshët, për shembull)?

Cfarë lloji i ambientit të punës ju tërheq?

Një tjetër gjë për tu marrë parasysh është ambienti në të cilin e shihni veten duke punuar. A jeni më shumë në shtëpi pas tavolinës apo jashtë në diell? Dëshiron të punosh gjatë ditës, gjatë fundjavave, gjatë natës ose në telefon? Dëshiron të udhëtosh brenda vendit ose jashtë shtetit për punë, ose do të preferonit të qëndronit në një vend? E shihni veten duke punuar në industri private apo sektorin publik? Disa nga këto kushte do të varen nga vendi i caktuar i punës që ju zgjidhni, ndërsa të tjerët janë goxha standarde për profesionin në përgjithësi.

A ka profesion që përputhet me rrugën tuaj të synuar të karrierës?

Tani që e dini se çfarë ju pëlqen të bëni (dhe si dëshironi ta bëni atë), është koha që me të vërtetë të eksploroni mundësitë. Mund të përdorni përshkrimet e ndryshme të punës për të gjetur atë që ju përshtatet dhe të hulumtoni karrierën e disponueshme.

Nëse nuk mund të gjeni një punë që përputhet me interesat dhe aftësitë tuaja, mbani mend se vendet e punës ndryshojnë vazhdimisht – veçanërisht në fushat siç janë komunikimi, IT dhe inxhinieri. Do të gjeni gjithashtu që përgjegjësitë e punës ndryshojnë në mënyrë të konsiderueshme në varësi të vendit të punës – për shembull, detyrat e punës në fushën e marrëdhënieve me publikun në sektorin publik do të jenë shumë të ndryshme nga ato në industrinë e modës.

Mos harroni se ju mund të zgjedhni edhe rrugën e pavarur dhe të punoni në mënyrën që ju përshtatet, ndoshta edhe duke filluar biznesin tuaj, ku shihni se ka hendek në këtë fushë.

Sa angazhim jeni gati të bëni?

Kur bëhet fjalë për zgjedhjen e karrierës, duhet të merrni parasysh sa angazhim jeni të gatshëm të bëni për të arritur qëllimin tuaj përfundimtar. Filloni duke lexuar profilet e punës që keni hulumtuar, si dhe eksploroni pro-të dhe kontra-t e fushave tuaja të dëshiruara të studimit apo punësimit. Disa profesione mund të mos kenë kërkesa zyrtare dhe ofrojnë praktikë dhe trajnim për aplikantët.

Nëse po konsideroni një karrierë në fusha të tilla si arkitektura, mjekësia ose drejtësia, ju do të keni para vetes disa vite studime universitare me periudha të detyrueshme përvoje praktike dhe kërkesa të rrepta të akreditimit.

Mbani në mend se tregu i punës është konkurrues dhe ndërsa disa profesione nuk kërkojnë kualifikime specifike, shanset tuaja për të fituar punësim zakonisht rriten nëse keni ndërmarrë studim ose përvojë pune në këtë fushë.

Letër Motivimi për Call Center

Shembull (Kastori.net Resurse)
Letër Aplikimi për Përfaqësues/Agjent i Qendrës së Thirrjeve

Kosovo Solutions
Sheshi Nënë Tereza
10000, Prishtinë
Republika e Kosovës

Letër Motivimi

I/E nderuar,

Në përgjigje të shpalljes tuaj të punës për pozitën Përfaqësues i Qendrës së Thirrjeve, kam kënaqësinë të paraqes CV-në time për shqyrtimin dhe konsideratën tuaj.

Jam i sigurt se kjo pozitë do të përdorë në mënyrë optimale aftësitë dhe shkathtësitë e gjera që kam fituar gjatë përvojës time në fushën e shërbimit të klientëve përgjatë tri viteve të fundit. Kjo perfshin:

  • Aftësi të dëshmuara për të zgjidhur çështjet dhe kërkesat në mënyrë efikase dhe në kushte stresuese, duke shfaqur një shkallë të lartë profesionalizmi.
  • Shërbimet e shkëlqyera të klientit dhe aftësitë e komunikimit që sigurojnë nivelin më të lartë të kujdesit ndaj klientit.
  • Aftësi të dëshmuara analitike dhe të zgjidhjes së problemeve, së bashku me aftësinë për të dhënë rekomandime vlerësuese.
  • Tejkalimi i pritjeve dhe standardeve të sigurimit të cilësisë.
  • Përkushtim si anëtar i ekipit i cili zhvillon dhe mban marrëdhënie pozitive pune.
  • Fleksibilitet i dëshmuar në lidhje me orarin e punës.
  • Shkathtësi gjithëpërfshirëse kompjuterike përfshirë aplikacionet e bazës së të dhënave MS Office dhe CRM.
  • Unë jam shumë i interesuar për pozitën dhe besoj se mund të jap një kontribut të vlefshëm në efikasitetin dhe suksesin qendrës së thirrjeve.

Faleminderit për kohën dhe vëmendjen tuaj.

Sinqerisht,
[Emri mbiemri juaj]

5 hapa si të shkruani një propozim për grante

5 hapa si të shkruani një propozim për grante

Zhvillimi i propozimeve për grante zakonisht kërkon kohë të konsiderueshme. Juve do të ju duhet të përshkruani problemin apo sfidën specifike, ta hartoni projektin që do ta adresojë atë, dhe më pas të përshkruani programin në detaje për donatorin apo burimin e financimit.

Sidoqoftë, për të qenë i suksesshëm, propozimi duhet të jetë i përgatitur mirë, i planifikuar dhe i kompletuar me kujdes. Qëllimi i juaj është gjithmonë të realizoni një propozim të konceptuar mirë, i cili përcakton një strategji për ta adresuar problemin, si dhe fondet për ta mbështetur atë.

Në vijim do të japim disa udhëzime se si të shkruajmë një projekt propozim për grant, procesi ky i zhvillimit që përbëhet prej disa fazave kryesore:

Hapi 1: Arrini pajtueshmëri për problemin

Me qëllim që propozimi juaj të fitojë mbështetje, donatori i grantit duhet të jetë i bindur që financimi i programit do të ketë ndikim pozitiv por dhe të matshëm.

Hapi i parë është të filloni duke identifikuar nevojën. Cili problem apo cila çështje mund të përmirësohet me fondet dhe e qëllimet e mira të grantit? Ju mund të ndjeni se ka nevojë për të pastruar lumin e ndotur. Megjithatë, po të mos ketë një konsensus të përgjithshëm për nevojën e projektit, do të jetë e vështirë të fitoni grant dhe madje edhe më vështirë për ta përfunduar projektin.

Përfshini të gjitha palët e interesit

Për të zhvilluar një propozim të suksesshëm, është e rëndësishme të përfshini të gjithë akterët apo palët e interesuara në proces. Pala e interesuar është kushdo që preket, ose ka interes, në projekt.

Për shembull, palët e interesit për pastrimin e lumenjve mund të përfshijnë qytetarët (në një komunitet të prekur për shembull nga ndotja), palët përgjegjëse për problemin, ata që do të përfshihen në pastrim, bizneset, qeveria dhe entitetet e tjera që do të ndihmojnë të paguajnë për pastrimin, por edhe agjencitë relevante qeveritare që rregullojnë dhe zbatojnë implementimin e ligjeve të caktuara mjedisore.

Kërkoni përfshirje të organizatave me të cilat tashmë jeni partnerë, por gjithashtu konsideroni edhe krijimin e marrëdhënieve të reja me grupe të njëjta. Planifikoni një takim të palëve të interesit në një kohë të përshtatshme dhe në një vend të pranueshëm.

Gjatë kesaj periudhe, ju duhet të jeni të përgatitur që mund të ndodhin edhe mosmarrëveshje midis palëve të interesit. Mos harroni se qëllimi juaj është të përpiqeni të arrini një konsensus të mendimit. Konsideroni të sjellni këshillim profesional nëse grupi juaj është më i madh ose nëse nuk jeni të sigurt për aftësinë tuaj për të menaxhuar dallimet midis grupeve.

Definoni problemin ose situatën

Përfshini palët e interesit në zhvillimin e një përshkrimi të qartë dhe konciz të problemit ose situatës. Më shumë se një takim mund të jetë i nevojshëm për të arritur konsensus që kënaq shumicën e palëve të përfshira. Pasi palët bien dakord për problemin, pjesa tjetër e punës rrjedh më mirë.

Kur përshkruani problemin, shmangni përdorimin e termave subjektiv si “i keq” ose “i egër”. Në vend të kësaj, përshkruani problemin në mënyrë objektive. Shmangni fokusimin e fajit.

Përshkruani ndikimin e problemit

Përdorni gjuhë të qartë dhe objektive për të përshkruar ndikimin e problemit, si në kostot sociale, ashtu edhe në ato ekonomike. Përderisaa ndotja në lum dëmton gjallesat dhe kafshët, është më bindëse të tregosh që njerëzit nuk mund të peshkojnë më ose të notojnë në lumë për shkak të ndotjes.

Tregoni se si situata ka ndryshuar mënyrën e të jetuarit të njerëzve.

Hapi 2: Përshkruani atë që shpresoni të arrini

Përderisa në fazën e parë ju keni përshkruar problemin dhe keni identifikuar shkaqet e mundshme, tani duhet të përqendroheni në zgjidhjen ose rezultatin e dëshiruar të aktivitetit tuaj të propozuar.

Cfarë do të ndodhë si rezultat i projektit tuaj? Si do të përmirësohet situata? Nëse problemi është lumi i ndotur, a do të jenë në gjendje banorët të notojnë përsëri në lum?

Matja e suksesit në outpute dhe rezultatet

Kini kujdes që të mos i ngatërroni këto terma. Outputet janë masa të aktiviteteve të një programi; rezultatet janë ndryshimet që vijnë nga aktivitetet. Outputet kanë rëndësi sepse ato çojnë në rezultate.

Vini re se në shembullin tonë, output-i mund të jetë vendosja e filterit nga ana e rrjedhës së lumit. Një rezultat mund të jetë rritja sasisë së peshkut sepse filteri ndalon ndotësit të derdhen në lum.

Identifikoni rezultatet kryesore

Disa projekte kanë listë të gjatë të rezultateve. Në vijim po japim disa rezultate të mundshme që vijnë nga pastrimi i një lumi:

  • Njerëzit do të jenë në gjendje të notojnë në lum;
  • Njerëzit do të jenë në gjendje të peshkojnë;
  • Lundrimi në lum do të jetë sensacion i ri turistik për qytetin apo fshatin;
  • Lumi i pastër do të krijojë momentum për ringjalljen e bizneseve përgjatë bregut të lumit.

Punoni me palët e interesit për të zhvilluar një konsensus mbi dy ose tre rezultate kryesore.

Vendosni rezultate realiste dhe të arritshme

Rezultatet e projektit duhet të jenë gjithmonë realiste. Një nivel i caktuar i ndotjes do të ekzistojë gjithmonë brenda lumit. Dhe për këtë arsye ndoshta ulja e ndotjes në një nivel të pranueshëm brenda një viti ose edhe pesë viteve mund të jetë krejt e pamundur.

Është e udhës të konsultoheni me ekspertët dhe përcaktoni se çfarë është e mundshme për situatën tuaj. Mosarritja e qëllimeve do ta bëjë më të vështirë marrjen e fondeve shtesë në të ardhmen.

Eshtë shumë më mirë të premtosh më pak dhe të tejkalosh qëllimet e tua sesa të premtosh dhe të mos kesh sukses. Sidoqoftë, mos e nënvlerësoni seriozisht atë që mund të arrihet.

Matni dhe regjistroni rezultatin e punës tuaj

Shënoni cilat masa shpresoni t’i arrini dhe kur shpresoni t’i arrini ato. Nëse do të zvogëloni ndotësit në lum, në çfarë niveli do të zvogëlohen? Përdorni numra specifikë ose të përafërt.

Nëse nuk mund të matni ose llogaritni një output, mos e përfshini atë në projekt. Ndoshta palët e interesit ranë dakord për objektivin kryesor të mëposhtëm: Njerëzit do të jenë në gjendje të peshkojnë.

Hapi 3: Dizajnoni projektin tuaj në propozim

Tani që e dini se ku jeni dhe ku dëshironi të shkoni, hapi juaj i radhës është përcaktimi i rrugës më të mirë për të arritur deri atje. Rruga më e mirë nuk është gjithmonë më e shkurtër, më e shpejtë, më e lehtë ose më e lirë.

Kërkoni mendime të ekspertëve

Donatorët e granteve, si qeveritarë ashtu edhe privatë, shpesh kanë ekspertë që mund t’ju ndihmojnë.

Hulumtoni cfarë kanë bërë të tjerët

Hulumtoni dhe gjeni organizata apo institucione që kanë zhvilluar projekte të ngjashme. Shikoni dështimet po aq sa edhe sukseset e tyre. Të dish se çfarë nuk funksionon është shpesh më e vlefshme sesa të dish se çfarë bën.

Ju gjithashtu mund të merrni informacione nga mediat. Kërkoni në Internet dhe kontaktoni shoqatat profesionale.

Hapi 4: Shkruani propozimin tuaj

Pasi të keni një përshkrim dhe ide të projektit tuaj, nevojat, rezultatet dhe aktivitetet, përdorni këtë si bazë për aplikime për grante. Rregulloni secilin propozim për donatorin e caktuar.

Shumica e organizatave i bëjnë publike grantet fituese apo japin udhëzime të aplikimit. Studioni këto propozime. Përdorni ato si udhëzues, çfarë informacioni për të përfshirë, dhe terminologji që preferohen.

Secila thirrje për propozime zakonisht specifikon se çfarë informacioni duhet të përfshijë propozimi. Disa kërkojnë dorëzimin e aplikimeve elektronike ose përmes Internetit.

Lexoni me kujdes të gjitha udhëzimet dhe pyesni për ato që duken të paqarta.

Studioni kriteret

Shumica e programeve të granteve janë konkurruese, domethënë vetëm propozimet që vlerësohen mirë nga donatori shpërblehen. Thirrjet për grante mund të specifikojnë kriteret e vlerësimit dhe të caktojnë një numër të pikësh.

Studioni të gjitha kriteret e aplikimit. Përdorni një listë kontrolluese për t’u siguruar që aplikacioni juaj është i plotë.

Konsideroni të kontraktoni një profesionist

Përderisa nuk është e domosdoshme, shumë organizata preferojnë të punësojnë një konsulent të jashtëm për të shkruar propozimin. Avantazhi kryesor është se konsulenti është në gjendje t’i kushtojë kohë projektit, që ju ndoshta mund të mos e keni sepse jeni të zënë me menaxhimin e organizatës dhe projekteve tjera. Konsulenti/ja me ekspertizë mund të sigurojë që ju i adresoni të gjitha kërkesat komplekse në mënyrën e duhur.

Disavantazhi i konsulentit profesional është se mund t’iu mungojë pasioni dhe njohuria e projektit që ju dhe palët tjera të interesit i keni.

Redaktoni me kujdes

Sigurohuni që propozimi juaj është i qartë dhe i lehtë për tu kuptuar. Para se të bashkëngjitni nënshkrimin tuaj në aplikacion, sigurohuni që aplikacioni të jetë i plotë dhe i saktë. Redaktoni plotësisht tekstin tuaj. Mundohuni të eliminoni të gjitha gabimet drejtshkrimore dhe tipografike të tjera. Ndiqni përdorimin standard gramatikor dhe shmangni zhargonin dhe shprehjet lokale.

Hapi 5. Menaxhimi i ciklit të projektit

Menaxhimi i ciklit të projektit është një metodologji e zakonshme për menaxhimin e projekteve. Ajo siguron një strukturë për procesin, por gjithashtu përfshin edhe konsultimin e palëve të interesit dhe njoftimin e tyre me informacionin përkatës gjatë gjithë ciklit jetësor të projektit.

Shumë donatorë, vecanërisht Bashkimi Evropian (BE) përdorin menaxhimin e ciklit të projektit për t’u siguruar që mbështeten projekte që janë në përputhje me objektivat e tij. Komisioni Evropian ka miratuar menaxhimin e ciklit të projektit në vitin 1992 si grupi i tij kryesor i mjeteve të projektimit dhe menaxhimit të projekteve.

Cikli i operacioneve të menaxhimit brenda menaxhimit të ciklit të projektit është i ndarë në pesë faza:

  • Programi
  • Identifikimi
  • Formulimi
  • Zbatimi
  • Vlerësimi dhe Auditimi
Pyetje dhe përgjigje të intervistës të bazuar në kompetenca

Pyetje dhe përgjigje të intervistës të bazuar në kompetenca

Ju mund të jeni mësuar, apo shpesh keni dëgjuar, për një format të përgjithshëm dhe tradicional të intervistës për punë ku diskutohet përvoja dhe kualifikimet e mëparshme. Sidoqoftë, intervistat e bazuara në kompetenca janë tërësisht ndryshe. Ato mbështeten në pyetjet të cilat synojnë të zbulojnë se si keni përdorur aftësitë specifike në përvojën tuaj të mëparshme dhe si ju qaseni problemeve, detyrave dhe sfidave.

Intervistuesit zakonisht i përdorin këto përgjigje për të kuptuar më mirë personalitetin tuaj, procesin tuaj të mendimit, dhe mënyrën se si mund të veproni në të ardhmen. Ato pastaj krahasohen me standarde specifike për të parë nëse kandidati është i përshtatshëm për kompaninë apo organizatën që po aplikon.

Shumica e punëdhënësve, veçanërisht ata që punësojnë shumë punëtorë, janë të interesuar të zhvillojnë teste dhe intervista të kompetencës dhe kjo bëhet për të siguruar që aplikantët jo vetëm që përmbushin aftësitë specifike të kërkuara për vendin e punës, por gjithashtu të mund të përballen me vizionin më të gjerë të kompanisë.

Si t’i qaseni pyetjeve të bazuara në kompetencë

Mënyra më e mirë për t’u përgatitur për pyetje të kompetencave është të reflektoni në përvojën tuaj të punës. Intervistuesit kërkojnë të marrin sa më shumë informacion që të jetë e mundur prej jush, prandaj sigurohuni që përgjigjet tuaja ofrojnë të gjitha detajet e nevojshme që intervistuesi të kuptojë qëllimin e përgjigjes suaj.

Shpesh, intervistuesit do të përqendrohen në raste të dështimeve ose sukseseve të së kaluarës tuaj. Pranimi i dështimeve domosdoshmërisht nuk do të reflektojë negativisht në intervistë nëse tregoni se si e korrigjuat situatën, atë që keni mësuar, dhe si planifikoni të shmangni përsëri të njëjtin gabim.

Shembuj: Pyetje dhe pergjigje

Në vijim po japim disa shembuj të pyetjeve dhe përgjigjeve të rekomanduara për intervistat e bazuara në kompetencë. Disa pyetje mund të bëhen për pothuajse çdo vend pune, ndërsa disa pyetje janë specifike për punë të caktuara.

Pyetje dhe Përgjigje për pozitë në shitje

Intervistuesi pyet: “Si e vlerësoni aftësinë tuaj të shitjes në krahasim me shitësit e tjerë?”

Përgjigjet e kandidatit: “Unë konsiderohem një prej shitësve kryesor në kompaninë tonë. Kam marrë shpërblime dhe bonuse disa herë si shitës udhëheqës në kompani.”

Koment: Kjo përgjigje arsyeton në mënyrë adekuate pyetjen e bërë.

Pyetje: “Jepni një shembull të aftësisë suaj të shitjes.”

Përgjigje: Kandidati i cili deklarohet me mungesë vetëbesimi, dhe përgjigjet: “Nuk po më kujtohet momentalisht një shembull specifik”, do të lërë një përshtypje të keqe.

Kandidati i cili deklarohet me vetëbesim do të përgjigjet: “Muajin e kaluar unë arrita një marrëveshje të rëndësishme me një firmë të njohur të kompjuterëve. Marrëveshja uli ndjeshëm shpenzimet e kompanisë për tremujorin e fundit.”

Në intervistën e bazuar në kompetenca, kandidati duhet të dëshmojë kompetencë duke dhënë shembuj specifikë.

Pyetje & Përgjigje për pozita si anëtar ekipi

Shembuj të vendeve të punë si Anëtar i Ekipit janë në fushën e programimit, shërbimi ndaj klientit, inxhinierët e projektit, ekipi i kontabilistëve, etj. Pyetjet për një pozitë si anëtar i ekipit zakonisht do të testojnë aftësinë për t’u përshtatur me ekip, për të krijuar marrëdhënie të mira, për të pranuar autoritetin, dhe për të punuar nën presion.

Pyetje: “Si do ta përshkruanit veten si anëtar i ekipit?” “Cfarë të pëlqen më shumë, të punosh në ekip apo të punosh vetëm?

“Përgjigje: “Unë jam punëtor i mirë në kuadër të ekipit. Më pëlqen shoqëria e njerëzve, më pëlqen të punoj në ekip dhe jam gjithmonë i gatshëm të ndihmoj të tjerët”.

Pyetje: “Më jep një shembull të një kontributi që ke dhënë në ekipin tënd të punës.

“Përgjigje: “Kohët e fundit kam punuar me pesë programues në një projekt për një kompani të madhe ushqimore. Kam dhënë kontribut të rëndësishëm në suksesin e ekipit dhe në realizimin e projektit. Në fund të projektit mora një letër falënderimi për kontributin në suksesin e ekipit”.

Pyetja: “Si veproni me punën nën presion?

“Përgjigje: “Mendoj që punoj mirë edhe nën presion. Për shembull, numri i punëtorëve në departamentin tonë u shkurtua kohët e fundit ndërsa sasia e punës që m’u dha gati u dyfishua. Menaxherët kërkuan nga unë që të punojë jashtë orarit dhe kam arritur të veproj me efikasitet dhe në mënyrë profesionale gjatë një kohe të ngarkuar dhe stresuese. Kam dëshmuar efikasitet dhe profesionalizëm përkundër stresit”.

Koment: Nëse jepni shembull kjo përforcon kompetencën që e përshkruan një kandidat.

A jeni përballur ndonjëherë me konflikt gjatë punës në ekip?

Shumë punëdhënës duan të dinë që ju mund të krijoni marrëdhënie të shëndetshme, të zgjidhni probleme dhe të punoni në ekip. Në përgjigjen tuaj, theksoni aftësitë tuaja për zgjidhjen e konflikteve, aftësitë komunikuese dhe gjykimin. Kujtoni një shembull ku keni tejkaluar një pengesë grupore me bashkëpunëtorët tuaj.

Shembull: “Unë punoja me një ekip si zyrtar i marketingut për të ndihmuar në krijimin e fushatave efektive për klientët tanë. Një herë, ne nuk mund të arrinim marrëveshje se si të reklamojmë produktin e një klienti të caktuar. Kishim një javë për të bërë prezantimin dhe kaluam tërë kohën duke diskutuar për secilin plan dhe përfundimisht formuam një fushatë nga sugjerimet më të mira të secilit anëtar të ekipit. Klienti ishte i lumtur dhe fushata doli e suksesshme.

Pas asaj përvoje, sa herë që kishte mospajtim brenda grupit, ne u fokusuam për të bërë kompromise dhe vendime në grup. Si rezultat, dinamika e ekipit tonë u përmirësua, dhe numri i shitjeve u rrit me 7% gjatë tre muajve të ardhshëm.”

A keni pasë rast kur mbikëqyrësi ka kërkuar të bëni diçka me të cilën nuk keni qenë dakord?

Në disa situata, juve mund të ju jepet një detyrë që nuk ndjeheni rehat ta kryeni ose nuk mund ta kuptoni vlerën. Kjo pyetje ju lejon të shfaqni aftësinë tuaj për të analizuar një sfidë dhe për të shprehur në mënyrë efektive mendimet tuaja. Mundohuni të shpjegoni kohën kur keni vënë në dyshim udhëzimet e menaxherit tuaj dhe si arritët në një zgjidhje.

Shembull: “Gjatë punës time të mëparshme për një kompani të shitjeve të automjeteve, menaxheri ynë vendosi një kuotë të lartë shitjes. Unë mendoja që kuota e shitjes e bënte të vështirë ofrimin cilësor të shërbimeve. Doja të isha i sinqertë dhe i drejtë për të gjithë klientët e mi, edhe nëse kjo nënkuptonte të jesh fleksibil për çmimin. Unë kërkova një takim me menaxherin, ku shpreha shqetësimin tim për aftësinë për të përmbushur kuotën dhe për t’i bërë klientët e lumtur.

Menaxheri im e kuptoi arsyetimin tim, por prapë donte që unë të plotësoja kuotën për të rritur përfitimin. Përfundimisht, ne vendosëm se do të ishte e dobishme nëse unë do të punoja pak kohë me kolegun që kishte performancë më të lartë për të mësuar rreth taktikave që ai përdorte. Pas dy ditësh, unë arrita të mësoj disa strategji efektive për të ndihmuar në rritjen e shitjeve të mia. Nuk e arrita kuotën dy muajt e parë, por arrita ta tejkaloj atë me 5% për tetë muaj radhazi.”

Pyetje të bazuara në kompetencë për pozita udhëheqëse

Pyetje: “Si ju shikojnë njerëzit si menaxher?

“Përgjigje: “Unë shikohem si menaxher që udhëheq dhe që është autoritativ; njerëzit i besojnë gjykimit tim. Unë dëgjoj pikëpamjet e të tjerëve me mendje të hapur, dhe marr vendime kur të jetë nevoja. Unë jap kontribut domethënës në arritjen e qëllimeve të organizatës”.

Koment: Një kandidat i përshtatshëm beson në vetvete dhe nuk është tepër modest.

Letër Motivimi për Asistent i Zyres

Shembull (Kastori.net Resurse)
Letër Aplikimi për pozitën Asistent

Kosovo Solutions
Sheshi Nënë Tereza
10000, Prishtinë
Republika e Kosovës

Letër Motivimi

I/E nderuar,

Jam i interesuar të aplikoj për pozitën Asistent i Zyrës në [Kosovo Solutions], sipas konkursit të shpallur në Portalin Kastori, më 15 shkurt 2020.

Kam aftësi të shkëlqyera të komunikimit me klientët dhe një përvojë prej pesë viteve të punës si asistent i zyres, në caktimin e takimeve, komunikimin me telefon, personalisht dhe me email.

Unë gjithashtu kam përfunduar trajnime mbi një shumëllojshmëri të programeve dhe sistemeve softuerike, duke përfshirë Microsoft Word, Excel, Outlook, DocuSign etj. Kohët e fundit kam udhëhequr një seminar se si të përdorim në mënyrë efektive programin SharePoint.

Jam i bindur se përvoja dhe aftësitë e mia administrative më kualifikojnë për këtë pozitë. Kam bashkëngjitur CV-në time për shqyrtimin tuaj. Shpresoj qe do të kemi mundësinë të ftohem në intervistë dhe të diskutoj kualifikimet dhe përvojën time në më shumë detaje.

Ju falënderoj për konsideratën tuaj.

Sinqerisht,
[Emri mbiemri juaj]