Blog > Udhëzues për karrierë

Rregullat e mirësjelljes në vendin e punës

Rregullat e mirësjelljes në vendin e punës

Rregullat e mirësjelljes kanë rëndësi të madhe në bashkëveprimin tonë të përditshëm në vendin e punës dhe mund të bëjë ndryshim akoma më të madh në mundësitë tona të promovimit në karrierë.

Por jo të gjithë e dinë se çfarë do të thotë të kesh mirësjellje.

Në vijim po japim një listë të rregullave që duhet të respektohen dhe aplikohennë vendin e punës – por dhe kudo tjetër.

1. Thuaj të lutem dhe faleminderit

Nëse kërkoni diçka, ose kërkoni nga dikush që të bëjë diçka, thoni “të lutem”. Nëse dikush bën diçka për ju, ose ju jep diçka, thoni “faleminderit”.

2. Thuaj përshëndetje dhe mirupafshim

Përshëndetni njerëzit kur t’i takoni apo i hasni. Në mëngjes thoni “Mirëmëngjesi”. Në mënyrë të ngjashme, kur të largoheni, thuani “Mirupafshim” ose “Ditën e Mirë”.

3. Mos i injoroni njerëzit në ashensor

Kjo është gjëja më e çuditshme që hasni në vendin e punës. Ju jeni në ashensor me njerëz që i njihni në organizatën tuaj (por nuk punoni së bashku) dhe ata shmangin lidhjen me sy sikur nuk jeni aty.

Edhe nëse nuk ju pëlqen dikush, duhet ta përshëndetni në ashensor.

4. Ofroni kafe

Nëse jeni duke porositur kafe, pyetni njerëzit përreth nëse dëshirojnë kafe ose çaj.

5. Thuaj “më fal”

Nëse dikush ua zë rrugën, nëse ecni mes dy personave që bisedojnë, apo nëse keni nevojë të ndërprisni një bisedë, thoni “më falni”.

6. Mos ndërhyni

Në mënyrë ideale, ju nuk duhet të ndërprisni njerëzit kur flasin. Lërini të mbarojnë. Nëse duhet të ndërprisni, thoni “më falni” ose “më falni që ju ndërpreva”.

7. Thuaj “më vjen keq”

Po ashtu thuaj “më vjen keq” nëse me qëllim ose pa dashje e lëndoni dikë, ose nëse je i pasjellshëm, ose nëse bën një gabim që i kushton dikujt tjetër në çfarëdo mënyre. Ndonjëherë jemi të pasjellshëm dhe e kuptojmë se kemi bërë një gabim, jemi shumë të turpëruar për të thënë ndonjë gjë dhe thjesht vazhdojmë më tej sikur asgjë nuk ka ndodhur.

Mos e bëj atë. Nëse vepra ishte shumë e keqe, blini një dhuratë të vogël si kafe ose çokollatë.

8. Mbajeni derën

Kur kaloni nëpër një hyrje apo derë, gjithmonë shikoni prapa vetes dhe shikoni nëse dikush tjetër po vjen. Nëse dikush është, mbaje derën hapur. E njëjta gjë vlen edhe kur futeni në ashensor dhe shihni që dikush po vjen.

9. Fikni telefonin kur jeni në zyrë

Është në rregull nëse harroni një herë, por mos u bëni personi që mban telefonin në volumin e lartë dhe merr telefonata gjatë gjithë ditës.

10. Mos e kontrolloni telefonin në takim ose kur dikush flet

Shumica prej nesh jemi pak fajtorë për këtë. Disa thjesht vjedhin një vështrim herë pas here, ndërsa të tjerët shikojnë në ekran kur dikush po flet. Është më mirë t’i kushtoni vëmendje të plotë personit para jush.

11. Mos u ankoni

Ankesat helmojnë atmosferën, ju bën të tingëlloni si një amator dhe mund të dëmtojë ndjenjat e dikujt.

12. Mos jepni këshilla të pakërkuara

Ne jetojmë në një botë ku njerëzit janë gjithmonë duke u thënë të tjerëve se si të jetojnë. Ata ju tregojnë se çfarë duhet dhe nuk duhet të hani dhe vishni, si të jeni të lumtur, si të ushtroni në gym, dhe si të menaxhoni marrëdhëniet tuaja. Kjo është e pasjellshme.

13. Mos bëni vërejtje personale për pamjen ose veshjen e dikujt

Vërejtjet personale konsiderohen të vrazhda. Nuk është mirë të komentosh peshën ose pamjen e dikujt (përveç nëse jeni miq të mirë). Kini kujdes.

***

Lexo më shumë: 11 shkathtësitë e buta për t’u promovuar në karrierë